Alab (p1)

Maraming pagkain ang inihanda para sa aking graduation. Bagama't hindi naman kumpletong nakadalo ang buong pamilya ko sa mismong araw ng aking graduation ay kumpleto naman kami sa party. May pasok ang mga ate ko sa college at hindi naman mainwan ng tatay ko ang negosyo niya pero bumawi naman sila nung araw ng party. Masaya ang lahat at naroon ang mga kaibigan at ilang kaklase ko. Siyempre dumalo rin ang mga pinsan at kababata ko sa amin pati na rin si tito Ambet kaya lalong ang saya-saya ko. Hinayaan na lang din kaming mag-inuman at magpakalasing, pati na ang paninigarilyo ng ilan sa mga classmate at kaibigan ko ay parang naging legal at walang ang sumaway sa amin.